بعد منعه من الصلاة في مسجد.. الفنان كريم الحسيني يستغيث بدار الإفتاء
استغاث الفنان المصري كريم الحسيني بدار الإفتاء، اليوم، الاثنين، وذلك بعد منعه من دخول أحد المساجد في المقطم لأداء صلاة العصر، بسبب غلق المسجد بعد أداء الفريضة.
ووجه الفنان المصري، سؤالا إلى دار الافتاء خلال مقطع فيديو، قائلا: سؤال لدار الإفتاء ولشيوخ ولرجال الدين، لما أبقى ماشي على طريق وأركن وأكون عاوز أصلي العصر والساعة دلوقتي مكملتش خمسة ونص، ولسه الناس خارجة من المسجد، أنا قدام مسجد الشهيد أحمد حسن الجندي في المقطم، ولما أركن وأقول له عاوزة أدخل أصلي العصر، يقول لي معلش إحنا قفلنا الجامع، قلت له بتتكلم جد ولا بتهزر؟ قال لي بتكلم جد.. قلت له طيب أنا مش جايلك في صلاة المغرب أنا جاي لك في صلاة العصر، واللي عاوز يصلي يعمل إيه.. قال لي جملة في منتهى الكوميديا، قال لي يصلي في بيته، قلت لو أنا مش في البيت وركنت وعاوز أصلي قال لي أنا عبد المأمور، قلت له العيب مش عليك العيب على اللي أصدر القرار.
وتابع كريم الحسيني خلال مقطع الفيديو: “قلت له يعني أطلع المصلية وأصلي هنا في الساحة موافق طيب؟ هل ممكن أدخل أتوضى؟ رفض.. قلت له طيب أتيمم ولا أدخل اتوضى في كافيه؟ هل إحنا وصلنا للدرجة دي؟ لو عاوز أصلي العصر بعد نص ساعة من وقت الفرض نقفل الجوامع؟ السؤال ده لكل البشر.. بنقفل الجوامع بعد الفريضة مباشرة ليه؟ ده وقت العصر مفتوح لحد المغرب.. هل ده يعقل؟”.
